Foto: Everton

Fudbaleri Evertona upisali su trijumf u 20. kolu Premijer lige, savladavši Njukasl sa 2-1 u gostima.

Everton je dobro otvorio susret. Terensku inicijativu krunisali su vodstvom a strijelac je bio Kaldvert Luin. Njukasl je potom zaigrao sjajno. Redale su se šanse a nisu ih koristili Žoelinton, Šelvi i Almiron. Everton je sve to izdržao i na odmor su otišli sa vodstvom.

Na startu drugog poluvremena Everton je bio bolji. No, nisu došli do drugog gola iako su prijetili Ričarlison i Ken. Potom je Njukasl konačno došao do gola a strijelac je bio Šer.Timovi tu nisu stali. Kerol je zaprijetio sa jedne a Ričarlison sa druge strane. U 64. minuti novi pogodak. Ričarlison je uposlio Kaldverta Luina koji pogađa za novo vodstvo gostiju. 

Do kraja susreta bilo je prilika ali se rezultat nije mijenjao pa je Anćeloti upisao i drugu pobjedu u dva meča na klupi Evertona.

U ostalim mečevima postignuti su sledeći rezultati:

Brajton - Bormut 2-0
Votford - Aston Vila 3-0
Sautempton - Kristal Palas 1-1.

U večernjim satima na programu su još tri utakmice.

Od 18:30h Norič dočekuje Totenhem a Vest Hem Lester dok će poslednji meč dana odibrati Barnli i Junajted od 20 i 45h.